Poesia Napoletana: “Lenzole janche”

Lenzole janche
Tu si a festa ‘into ‘o paese ‘e quando ero criaturo,
‘e lenzole janche spase ‘o sole,
‘a paura ca me metto dint ‘o scuro
Tu si l’allucca de’ guagliune abbasc‘o vico,
chella stradulella stretta,
‘o riturnello ‘e chillu mutivo antico
Tu si o scuorno ca me mette mmiezzo all’ate,
l’addore d”o pane cavuro,
‘o chiant ‘e ‘na criatura appena nata
Tu si a frenesia ca m’afferra,
‘a cuperta ‘e lana,
si ‘o paraviso sciso n’terra
(di Mimmo Guarino)